Z世代作為首代由細接觸互聯網同數位行動裝置嘅社會群體，價值觀同消費習慣都會有所不同，開始追求FIRE生活模式，FIRE係指「財務自由、提早退休」（Financial Independence, Retire Early）嘅簡稱，透過積極嘅存款同投資計劃，迅速累積到一筆資產，以提早退休或脫離全職工作為目標。
Intuit Credit Karma調查報告指出，7% Z世代希望30歲退休，但近五成成冇儲蓄戶口、超過七成半冇參加退休金計劃、過半數冇活期存款，冇存款係一回事，但冇任何儲蓄連現時生活都有困難，Z世代應該考慮參加退休金計劃或盡快進行儲蓄。三成千禧一代希望51-60歲退休，一半X世代希望61-70歲退休，兩者嘅退休年齡比起Z世代更加符合現時嘅社會需求，Z世代想提早退休嘅趨勢令人擔憂。
同樣作為Z世代嘅小編，我都係追求FIRE生活嘅一份子，所以我會特別關注理財規劃同退休金計劃，仲會希望銀行或者保險公司可以為我制定私人投資計劃，提供全方面嘅資訊同角度比我選擇，以實現我嘅FIRE生活。
調查報告：美國消費者科技平台Credit Karma
發表迴響