Klook 2023年港人旅遊玩樂喜好問卷調查結果出爐喇！今次嘅結果反映深度遊或體驗式旅遊成為咗港人新嘅旅遊主流趨勢。雖然港人外遊依然會周圍買買買，但係相比起以前，購物已經唔再係旅遊首要目的，而家去旅行大家更加注重嘅係旅遊體驗，其中品嚐美食就佔比高達78%。除此之外，遊覽景點、放鬆心情同認識當地文化亦都成為咗港人旅遊嘅主要目的。
無論係香港，抑或係全球又好，疫情完結後旅客嘅旅遊模式都同以往有所唔同，就目前而言深度遊或體驗式旅遊經已成為全球旅遊業的新趨勢，今年香港旅遊業錄得嘅數據亦都進一步嘅驗證咗呢個趨勢。
根據Klook 近日發布嘅《2023 港人旅遊玩樂喜好》問卷調查結果，相比起購物，港人現時到外旅遊更加注重旅遊體驗，其中港人認為品嚐美食係最重要嘅體驗、佔比高達78%，其次為遊覽景點(62%)，而購物則只佔58%，同放鬆心情並列第三，更有約兩成人表示認識當地文化亦都係不可或缺嘅旅遊體驗之一。
除咗旅遊目的唔同咗之外，港人到外旅遊嘅目的地亦有所改變，有近九成嘅受訪者表示會考慮去更多未受注目嘅潛力旅遊城市，例如福岡、鳥取、釜山和台南等比較偏遠的城市，以發掘唔同嘅旅遊體驗。同時，有超過六成嘅受訪者表示，喺疫情結束後更加期望進行深度遊或當地特色體驗，其中想參與文化活動嘅受訪者超過五成半，而大自然同戶外體驗活動、生態或保育相關活動，則分別有近五成及四成，以上3類體驗活動成為咗目前最受港人歡迎嘅深度遊。
深度遊為本港及全球旅遊業發展帶嚟新嘅機遇，旅遊業未來可提供更多有意義、深度嘅旅遊體驗，如推出文化體驗、自然探索、生態保育等旅遊行程套票，或提供個性化嘅旅遊體驗，根據唔同旅客嘅需求同偏好，度身訂造旅遊計劃，增加本地遊嘅競爭力，同時吸引更多遊客訪港。此外，深度遊較傳統旅遊環保，可以減少對環境和社會嘅負面影響，促進文化同自然資源嘅保護，長遠而言，對本港旅遊業嘅可持續發展十分有利。
發表迴響