HK Bizwire Magazine 商業提案雜誌

近日，香港海洋公園嘅大熊貓盈盈誕下一對龍鳳胎，而中央所送贈嘅新一對大熊貓亦預計於下月尾抵港，即代表園內將會有六隻大熊貓坐鎮，各界期望大熊貓熱朝可以為香港經濟注入新活力。

多名本港立法會議員喺商台節目《政經星期六》談及多個可以有效推動大熊貓經濟嘅方案，包括建議香港海洋公園設計大熊貓相關紀念品及玩具、港鐵推出大熊貓主題列車、及酒店同餐飲業推出大熊貓套餐等。

旅遊促進會總幹事崔定邦早前出席香港電台節目時亦提到大熊貓家族可有助吸引遊客訪港，佢以大熊貓香香為日本帶嚟約650億日圓收益作為例子，望政府都可以透過提升本港大熊貓嘅知名度，喺網上上傳短片同相片，等更多人睇到佢咃嘅日常生活同成長過程等，配合推出大熊貓相關嘅產品，創造新賣點吸引更多外國旅客訪港消費。